من انت؟ وش فالح فيه؟ كيف تعبر عن نفسك؟. مجموعة انسان؟ طيب يا ابو نورة وش رايك تجي معنا نشوف انت وش فالح فيه وكيف تعبر عن الشخصيات الكثير اللي بداخلك.
شخصيتنا ما تكفيها جملة وحده والطرق عن التعبير كثير. كيف اعرف وش الطريقة اللي افضلها اذا انا في الصبح اسمع عبادي وبالليل ذا ويكند؟ تعال اكتشف أسلوبك المفضل.
مقطع فيديو قصير تجمع فيه شخصياتك و اهتمامتك، و كل قطرة ابداع فيك. وش تحب وليه تحبه وش تشتغل في النهار ومن شخصيتك السرية في الليل. مقطع يعرف الناس من أنت، وش تسوي وش تحب.
رحلة قصيرة، مليئة بالتساؤلات، والضحك، والإبداع. تمارين تخليك تتسائل وتعيد التفكير، ورش عمل جماعية بالتعلم التشاركي. تساعدك تحدد طريقتك في التعبير عن نفسك و ايش تقول للعالم عنك. ممنوع تجلس تنتظر احد يعلمك وش تسوي. قلنا لذا ستيج يشيلون كل الكراسي!
التسجيل اتسكر للأسف...
بس ٥٠ شخص حيكونوا موجودين عشان نعرف نركز عليهم... يا تلحق يا ما تلحق...
تعال معنا في تجربة مليانه إبداع واكتشاف، بنخليك تفكر في نفسك وفي اللي حولك. وكل شيء تحبه و تسويه. عشان نحاول في الاخير نختصر كل اللي تسويه في مقطع واحد.
شكرا ذا ستيج ? نحبكم
نشاطات فكرية تحفيزية للعقل
ذهبنا لبداية التاريخ المسجل وغير المسجل وألفنا تاريخا من عندنا، مرورا بعدد كبير من الكتب والمخطوطات التاريخية أقدمها يعود للخميس اللي فات، واخترنا كل النشاطات بعناية وصنعناها من الصفر لعيونك الثنتين.
ورش العمل
4 ورش عمل غير اعتيادية، لبناء مهارات تحتاجها لتستطيع التعبير عن نفسك بشكل أفضل،
فكر،حلل، خطط، نفذ
صور بالريموت
ليه تصور بكاميرا سعرها كلية، وانت تقدر تصور بالريموت؟.... طرق تصوير غير اعتيادية لشخصيات فوق العادية.
تركيب قطع الليغو
شخصيتك مبنية من بلكات كثير، منها الزين منها الشين. فيها الغريب، فيها الرهيب. كيف تختار القطع اللي تكون على السطح عشان يشوفونها الناس.
الصوت الداخلي
اكتشف طريقة تميز محتواك مثل ما صوتك مميز ما يشاركك احد فيه. كلماتك تجاربك وشخصيتك المميزة.
فكر بالمقلوب
جرب طرق ترفع تفكيرك الابداعي وتستفز تفكيرك المنطقي. حل مشاكل مو موجودة واهبد طرق جديدة لكيف تؤكل الكتف.
الزمكان
- ?️ يوم الجمعة 1 مارس
- ⏰ من الساعة 6م الى 9م
- ?️ الرياض - the stage ذا ستيج
هذه المرة لا تفكر مرتين بشأن حضورك.
في حال كان لديك أي أسئلة أو إذا كنت بحاجة إلى مزيد من المعلومات، لا تتردد في الاتصال بنا. سنكون هنا لمساعدتك في جعل هذا الحدث لا يُنسى.
فريق كرييت و مساق ?
التسجيل اتسكّر
هذي نتيجة التسويف...
الأسئلة المتكررة
الاسئلة التي نعتقد انها تهمك
الراعي الرسمي
نحن في مساق اهتمامنا الاول المنتجات الإلكترونية الاصلية المفيدة بالمقام الاول بالاضافة الى عنصر المتعة المصاحب لعملية تعلم اي شيء جديد بالمقام الثاني، ولان الاثر الكبير المؤدي الى التغيير لبنته الاولى المبادرة اطلقنا كريت، الحدث السنوي لصناع المحتوى النظيف، محتوى يطور، يلهم، يغير، يمتع ليكون بمثابة خط البداية لمستقبل محتوى الاجيال القادمة.
